Марио атты кішкентай қонжық футбол ойнағанды ұнатады екен. Алайда достарымен доп ойнағанда әдепсіздік танытып, тәртіп бұзып қоятыны бар. Марионың мұндай қылығын ұнатпаған достары онымен ойнағысы келмей, кері тартыпты. Енді не істемек керек? Қонжықтың қылығын қалай түзейміз?

Кітапта баланың басқалармен достасу жолы, өзгелермен еркін араласудың тәсілі баяндалады.

Марио атты кішкентай қонжық әр түрлі ойындарды ойнағанды жақсы көріпті. Бірақ ойыншықтарын жинап, реттестіруді ұната қоймайды екен. Бір күні Марио қонжық басқа әлемге тап болады. Ретсіз, жиналмай жатқан өз ойыншығына өзі шалынып, аяғы аспаннан кеп, бөгде әлемге тап болады. Марио қатты қорқып, үрейлене бастайды.

Бұл ертегі арқылы баланы ұқыптылыққа, жинақылық пен тазалыққа баулуға болады.

Кішкентай кезімізде жалғыз ұйықтасақ көрпенің астына тығылып, үрейленіп, небір қорқынышты жайттар көз алдымызға елестеп әрең ұйықтайтын едік. Біздің Марио атты қонжықтың да басынан осындай жағдай өтеді. Бөлмеде жалғыз өзі жабырқап, үй ішінде бір өзі болғандықтан үрейленіп, түстің түрін көреді екен. Еденнің қыбыры, судың сыбдыры бәрі-бәрі басқаша елестеп, әлек болады. Сөйтіп жатып таңғажайып түс көреді.

Бұл ертегі баланы қорықпай жалғыз өзі жатуға, бөлек ұйықтауға үйретеді.

Ананың көңілі балада, баланың көңілі далада... Біздің кішкентай ғана Марио атты қонжығымыз анасының айтқан ақылын, ескертулерін еске алмай, өз бетімен болуды жөн көріпті. Тәртіп бұзып, барлығын керісінше істегенді қалайды екен: зиянды, қауіпті заттармен ойнап, тәттіні тым көп жейді екен. Анасына қарсы шығып, бұртиып, ренжіп те қалыпты, анасының қонжықтан көңілі қалады. Сол үшін жүрегі ауырып, уайымдайды екен. Беттен алып, тіл алмаудың салдарынан болған ана жүрегінің жабырқауын кішкентай Марио «көріп» қалады... Оған ерекше қабілет дарып, өз қателігін түсініп, анасынан кешірім сұрайды екен.

Бұл ертегіден ана мен баланың қарым-қатынас әдебін, үлкен мен кішінің арасындағы кейбір сәттерді ұғынуға болады.

Марио атты қылықты қонжық тәттіге әуес бопты, тәтті-дәмдінің бәрін сыпырып жеп, көкөніске келгенде кері тартып, жегісі келмейді екен. Қонжықтың анасы пайдалы, дәнді дақылдарды күштеп болсын бере алмады. Бір күні Аян атты қоянның үйіне барып, қонақ болады. Сол кезден бастап Марио қонжық ойын өзгертіп, райынан қайтып пайдалы тамақ жей бастайды. Марионың өзі бұны сіздерге баяндап береді.